Avammut tunisanut kisitsisit
Siunertaq
Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.
Imarisaa
Saqqummersitami ilaatinneqarput avammut tunisat aalisarnermik aallutaqartuninngaaneersuinnaat. Tunisassiat allat, assersuutigalugu puisininngaaneersut, savaninngaaneersut uumasunillu allaneersut saqqummersitami taamaalillutik ilaatinneqanngillat.
Iluarsiissuteqarneq
Una saqqummersitaq iluatsillugu januaarip 14-iani saqqummersitaq Aalisakkat avammut tunisaanerat 2020 iluarsiissuteqarfigineqarpoq. Iluarsiissut katillugu 1,8 mio. kr.-inik ukioq tamakkerlugu annertuseriarnermik kinguneqarpoq. Iluarsiissuteqartariaqalerneq pissuteqarpoq, Akileraartarnermut Aqutsisoqarfimmut nunanut allanut tunisinermi nalunaartussaatitaanermut tunngasut kingusinaartumik qarasaasianut ikkussuunneqarsimammata. Iluarsiissutit tabel 4-mi sukumiinerusumik misissuataarneqarsinnaapput.
Avammut tunisat nalingi 1,3 pct.-imik annikilleriartut
2021-mi januaarimi avammut tunisat nalingi katillugit 259 mio. kr.-iusimapput. Ukiup siulianut sanilliullugit 3 mio. kr.-inik annikinnerupput, annikilleriarnerlu katillugu 1,3 pct.-iuvoq.
Raajat
Raajat januar 2021-mi avammut tunisaanerisa nalingat 5,2 pct.-imik annikilleriarsimavoq, akit 3,2 pct.-imik qaffassimagaluartut. Tassa avammut tunisat annertussusaat 8,1 pct.-imik annikilleriangaatsiarsimammata, takuuk titartagaq 3.
Qalerallit
Qalerallit avammut tunineqartut nalingat 8,2 pct.-imik annikilleriarsimavoq, naak tunineqartut annertussusaat 15,9 pct.-imik annertuseriarsimagaluartoq. Kilomut akit taamaalillutik 20,8 pct.-inik apparsimapput.
Saarulliit
Saarulliit avammut tunineqartut nalingat 25,9 pct.-imik qaffariarpoq, tunineqartut annertussusaat 48,9 pct.-inik qaffariarsimaneri pissutaalluni. Saarulliit avammut tunineqartut kilomut akiat agguaqatigiissillugu 15,4 pct.-imik apparsimavoq.
Titartagaq 1. Aalisakkat avammut tunisaanerat, mio. kr.
Najoqqutaq: http://bank.stat.gl/IENEXPMND |
Titartagaq 2. Aalisakkat pingaarnerit avammut tunisaanerat qaammatikkaarlugu
Najoqqutaq: http://bank.stat.gl/IENEXPMND |
Titartagaq 3. Procentinngorlugu januarimi allannguutit ukiup siulianut sanilliullugit